*** RHYBUDD ***

Sylwch, o 23ain Mehefin 2014 ymlaen, mae dulliau ychwanegol o gyflwyno'ch cais inni.

1. Erbyn hyn mae'n bosibl lawrlwytho fersiwn electronig o'r ffurflen gais oddi ar y wefan hon, teipio'ch ymatebion ac yna e-bostio'r ffurflen yn uniongyrchol atom, gyda chopïau electronig neu sganiadau o'r ddogfennaeth ategol.
2. Hefyd gallwch gyflwyno'r ffurflen trwy e-bost a'r anfonebau ar wahân trwy'r post os na allwch anfon copïau electronig neu sganiadau.
3. Gallwch hefyd lawrlwytho y cais , teipiwch eich ymatebion , argraffwch y ffurflen wedi'i chwblhau , atodwch gopi anfonebau a gwaith papur ategol, a'i anfon drwy'r post.
4. Gallwch lawrlwytho'r ffurflen, ei chwblhau â llaw a chyflwyno hon trwy e-bost neu'r post.
5. Fel arall, os oes arnoch angen i fersiwn papur o'r ffurflen gais gael ei anfon atoch, ffoniwch ni ar 0800 500 3009 neu anfonwch gais trwy e-bost.

Byddwch yn gallu lawrlwytho'r ffurflen gais oddi ar yma ond os oes arnoch angen fersiwn papur o'r ffurflen ffoniwch 0800 500 3009 (o 1 Mehefin ymlaen) i gael cymorth pellach neu fel arall, anfonwch e-bost at:

Ein cyfeiriad e-bost yw dcms.cm@davies-group.com

Ein manylion cyswllt yw:

LPW Scheme

East Midlands Business Ltd

5 Merus Court

Leicester

LE19 1RJ

Cliciwch yma i ddangos/cuddio rhybudd

CEFNDIR

Mae'r Cynllun Grant Mannau Addoli Rhestredig (LPW) yn rhoi grantiau sy'n cwmpasu'r TAW a dynnir wrth wneud trwsiadau i adeiladau rhestredig a ddefnyddir fel mannau addoli. Mae'r cynllun yn cwmpasu trwsiadau i adeiladwaith yr adeilad, ynghyd â ffioedd proffesiynol cysylltiedig, a thrwsiadau i glociau tyred, seddau, clychau ac organau pib.

Mae'r Cynllun wedi'i redeg gan DCMS [Yr Adran dros Ddiwylliant, y Cyfryngau a Chwaraeon] â ffocws ar gadw treftadaeth yn adeiladwaith ein mannau addoli rhestredig yn y DU. Ers ei sefydlu yn 2001, mae'r Cynllun wedi addasu i newidiadau wrth barhau i gefnogi mannau addoli trwy ddarparu'r system decaf oll o wneud grantiau a sicrhau y gall pob ffydd ac ardal yn y DU defnyddio'r cynllun yn gyfartal.

Wedi'i ariannu hyd at £42m, mae'r LPWS wedi talu £317m allan ers ei sefydlu gan gynorthwyo dros 13,000 o adeiladau. Ar hyn o bryd mae'r cynllun LPW yn derbyn oddeutu 7000 o geisiadau'r flwyddyn. Asesir cymhwysedd ar gyfer grant LPW yn ôl meini prawf cymhleth, gan gynnwys cymhwysedd yr adeilad a natur y gwaith sy'n cael ei wneud.

CYFLWYNIAD

Topmark yw gweinyddwyr y Cynllun Grant Mannau Addoli Rhestredig hyd at ac yn cynnwys 22 Gorffennaf 2022. Wedi hynny, bydd East Midlands Business Ltd yn cymryd drosodd y gwaith o weinyddu'r cynllun. Bydd wythnos drosglwyddo rhwng 25 a 29 Gorffennaf i hwyluso trosglwyddo unrhyw geisiadau sydd ar y gweill.

Mae’r Cynllun Grant Mannau Addoli Rhestredig yn cynnig grantiau tuag at y TAW a achoswyd drwy wneud atgyweiriadau a newidiadau i adeiladau rhestredig a ddefnyddir yn bennaf ar gyfer addoli cyhoeddus.

Cynlluniwyd yr arweiniad hwn i’ch helpu i gwblhau eich cais.

Darllenwch hwn yn ofalus cyn llenwi’r ffurflen gais.

• Lloegr: https://historicengland.org.uk/listing/the-list/
• Yr Alban: https://www.historicenvironment.scot/advice-and-support/listing-scheduling-and-designations/listed-buildings/search-for-a-listed-building/
• Cymru: http://cadw.gov.wales/historicenvironment/recordsv1/?lang=en
• Gogledd Iwerddon: https://apps.communities-ni.gov.uk/Buildings/buildMain.aspx?Accept

Er mwyn osgoi’r posibilrwydd o ddyblygu taliadau, rydym yn rhannu rhywfaint o’r wybodaeth rydych yn ei darparu i ni gyda sefydliadau eraill sy’n darparu grantiau megis English Heritage, Cronfa Dreftadaeth y Loteri, dosbarthwyr perthnasol eraill y Loteri ac asiantaethau treftadaeth gweinyddiaethau datganoledig, Cadw, Historic Scotland ac Asiantaeth yr Amgylchedd Gogledd Iwerddon. Byddwn yn dal rhywfaint o’r wybodaeth rydych yn ei rhoi ar y gronfa ddata ac yn defnyddio’r wybodaeth hon i brosesu ceisiadau a grantiau ac i gynhyrchu ystadegau.

CRYNODEB O'R GWARIANT 2022/2023 FLWYDDYN